Pentre Awel - Busnes

Bydd Canolfan Pentre Awel yn croesawu busnesau yn y sectorau gwyddor bywyd, iechyd, llesiant a gofal cymdeithasol, gan gynnig amrywiaeth o swyddfeydd, sy'n dechrau gydag ystafelloedd mor fach â 200 troedfedd sgwâr.

Nid lle yn unig yw Canolfan Pentre Awel – dyma weithle sydd wedi’i addasu i'ch anghenion.

Mae ein swyddfeydd wedi'u cynllunio i hybu cynhyrchiant, gan ddarparu amgylchedd ysbrydoledig ac effeithlon.

Rydyn ni'n talu sylw i bob dim, o ddiogelwch i drafnidiaeth a chynnal a chadw, gan sicrhau gweithle sy'n meithrin effeithlonrwydd, creadigrwydd a chysur. Mae mannau busnes Canolfan Pentre Awel yn hyblyg a gallan nhw gynnwys busnesau o bob maint, o fusnesau lleol bach i sefydliadau cenedlaethol.

Mae Canolfan Pentre Awel yn rhoi cyfle unigryw i chi gael gweithle sydd wedi'i gynllunio i fodloni'ch gofynion penodol.

Os ydych yn fusnes sy'n chwilio am le yn natblygiad gwerth miliynau o bunnoedd Sir Gaerfyrddin, sef Pentre Awel yn Llanelli, gweler ein harolwg i fynegi eich diddordeb. Ni ddylai'r arolwg gymryd mwy na 5 i 10 munud i'w lenwi.

Mynehwch eich diddordeb

Archebu ystafell

Mae Canolfan Pentre Awel yn gyfleuster modern sy'n cael ei reoli'n broffesiynol ac sy'n cynnig ystafelloedd o safon at ddefnydd busnesau, y sector cyhoeddus, a'r gymuned. Dylunnir ein hystafelloedd i gefnogi ystod eang o weithgareddau proffesiynol, gan gynnwys cyfarfodydd, hyfforddiant, gweithdai, cynadleddau, a digwyddiadau ffurfiol.

Mae pob ystafell yn meddu ar y cyfleusterau diweddaraf ac wedi'i llunio mewn modd sy'n darparu amgylchedd cyfforddus, effeithlon a hygyrch. Drwy gynlluniau hyblyg a phrosesau archebu clir, gallwn sicrhau bod gan ddefnyddwyr rywle addas i'w gofynion.

Mae'r wefan hon yn galluogi defnyddwyr i weld manylion yr ystafelloedd, gwirio argaeledd, a rheoli archebion yn effeithlon, gan sicrhau bod eu profiad o archebu lle yn Canolfan Pentre Awel yn syml a phroffesiynol.

Cymerwch olwg fanylach ar yr hyn gall ystafelloedd cyfarfod Canolfan ei gynnig i chi.