Ein cymuned

Popeth rydych chi ei eisiau

Mae gwir deimlad o gymuned yng Nghanolfan Pentre Awel.

O rwydweithio anffurfiol yn y caffi i gwrdd â ffrindiau am goffi neu wneud ymarfer corff, mae Canolfan Pentre Awel yn cysylltu pobl.

Mae Pentre Awel yn lle cyfarfod canolog, bywiog a chroesawgar, ac mae wedi'i gynllunio i feithrin cysylltiad a chydweithio. Mae'r amgylchedd modern, llawn golau yn lleoliad perffaith i unigolion ddod at ei gilydd, mwynhau coffi a chael sgyrsiau ystyrlon.

Gyda'i gynllun agored, ffenestri mawr sy'n gadael golau naturiol i mewn, ac awyrgylch cynnes a chroesawgar, mae'r lle yn annog rhyngweithio cymdeithasol a meddwl creadigol. Mae man canolog Pentre Awel yn addas ar gyfer cyfarfodydd neu sgyrsiau hamddenol, ac mae'n lle cyfforddus a hygyrch sy'n creu teimlad o gymuned yn y datblygiad arloesol hwn.