Canolfan
Croeso i Ganolfan Pentre Awel, lle sy’n hybu arloesedd, llesiant a chymuned.
Mae Canolfan Pentre Awel yn targedu sefydliadau o bob maint i fanteisio ar y swyddfeydd a’r mannau cydweithio newydd o’r radd flaenaf yn natblygiad newydd Llanelli gwerth miliynau o bunnoedd.
Nid lle yn unig yw Canolfan Pentre Awel – dyma weithle sydd wedi'i addasu i'ch anghenion. Mae'r swyddfeydd hyblyg wedi'u cynllunio i hybu cynhyrchiant, gan gynnig amgylchedd ysbrydoledig ac effeithlon. Gall mannau busnes yng Nghanolfan Pentre Awel gael eu teilwra i anghenion unigol.
Bydd Canolfan Pentre Awel hefyd yn cynnig mannau addysg, ymchwil a datblygu busnes, gan weithio mewn partneriaeth â Bwrdd Iechyd Prifysgol Hywel Dda, Prifysgol Abertawe, Chwaraeon a Hamdden Actif, a darparwyr addysg bellach ac addysg uwch eraill. .
Ymunwch â'n cymuned sy'n ffynnu! !
Archebu ystafell
Mae Canolfan Pentre Awel yn gyfleuster modern sy'n cael ei reoli'n broffesiynol ac sy'n cynnig ystafelloedd o safon at ddefnydd busnesau, y sector cyhoeddus, a'r gymuned. Dylunnir ein hystafelloedd i gefnogi ystod eang o weithgareddau proffesiynol, gan gynnwys cyfarfodydd, hyfforddiant, gweithdai, cynadleddau, a digwyddiadau ffurfiol.
Mae pob ystafell yn meddu ar y cyfleusterau diweddaraf ac wedi'i llunio mewn modd sy'n darparu amgylchedd cyfforddus, effeithlon a hygyrch. Drwy gynlluniau hyblyg a phrosesau archebu clir, gallwn sicrhau bod gan ddefnyddwyr rywle addas i'w gofynion.
Mae'r wefan hon yn galluogi defnyddwyr i weld manylion yr ystafelloedd, gwirio argaeledd, a rheoli archebion yn effeithlon, gan sicrhau bod eu profiad o archebu lle yn Canolfan Pentre Awel yn syml a phroffesiynol.
Cymerwch olwg fanylach ar yr hyn gall ystafelloedd cyfarfod Canolfan ei gynnig i chi.
